Hemilton “Ferrari”yə səsləndi: Daha yaxşı çıxış etməliyik
Yeddiqat dünya çempionu, “Ferrari”nin pilotu Lyuis Hemilton mövsümün ikinci yarısında İtaliya komandasından gözləntilərini açıqlayıb.
TodayPress TV xəbər verir ki, britaniyalı pilot bu barədə Niderland Qran-prisindən əvvəl “RacingNews365”ə verdiyi müsahibədə danışıb.
Hemilton bildirib ki, “Ferrari” bolidin inkişafı üzərində işləməyi davam etdirməlidir:
“Biz hələ də bolidimizi inkişaf etdirməyə davam etməliyik. Təkmilləşdirməli olduğumuz bir çox sahə var. Bununla belə, böyük yol qət etmişik. Mövsüm başlamazdan əvvəl və çempionatın gedişində atdığımız addımlarla qürur duyuram.
Yeni reqlamentlə əlaqədar bütün komandalar üçün ciddi sınaq oldu. Təbii ki, bütün komandalar müəyyən səhvlərə yol verdilər. Biz isə sadəcə irəliləməyə davam etməliyik.
Komandadakı hər kəs həqiqətən ruh yüksəkliyindədir və bütün diqqətini işə yönəldib. Özümüzə inamımız yüksəkdir və bunu görmək çox xoşdur. Biz daim bolidə sürət artırır və onu inkişaf etdiririk.
Ona görə də komandadan xüsusi bir şey tələb edə bilmərəm. Düşünürəm ki, “Ferrari”dən başqa istəyim yoxdur, sadəcə mövsümün ikinci yarısında planlaşdırdıqlarımızı daha yaxşı həyata keçirməyə çalışmalıyıq”.
Namiq HUN
