Arıqlaya bilməməyinizin səbəbi bu ola bilər - AÇIQLANDI
ABŞ-nin Kolumbiya Universitetinin alimlərinin apardığı araşdırma göstərib ki, şəkərin həddindən artıq qəbulu ümumi kalori miqdarı yüksək olmasa belə, çəki artımı və maddələr mübadiləsinin pozulmasına səbəb ola bilər.
TodayPress TV xəbər verir ki, tədqiqatın nəticələri “Cell” jurnalında dərc edilib.
Tədqiqat zamanı müəyyən edilib ki, şəkər bağırsaq mikrobiotasına mənfi təsir göstərərək piylənmə, insulinə davamlılıq və şəkərli diabet riskini artırır. Alimlər bildirirlər ki, əldə olunan nəticələrin insanlar üzərində də təsdiqlənməsi üçün əlavə araşdırmalara ehtiyac var.
