Mbappe səhnəyə damğasını vurdu: üç qol, möhtəşəm qələbə!

Madridin “Real” klubunun hücumçusu Kilian Mbappe 2026-cı ildə komandanın heyətində ilk het-trikini edib.

TodayPress TV xəbər verir ki, fransalı forvard La Liqanın 2026/2027-ci illər mövsümünün ilk turunda “Real Sosyedad”la keçirilən qarşılaşmada üç dəfə fərqlənib. 

“Santyaqo Bernabeu” stadionunda baş tutan görüş Madrid təmsilçisinin 4:1 hesablı qələbəsi ilə yekunlaşıb.

Mbappe matçın 40, 60 və 80-ci dəqiqələrində rəqib qapısına yol tapıb. Bu, Kilianın “Real” forması ilə ümumilikdə beşinci het-triki olub. O, daha əvvəl 2025-ci ildə “Kayrat”, “Barselona”, “Mançester Siti” və “Valyadolid”ə qarşı oyunlarda het-trik edib. Bundan əlavə, hücumçu “Olimpiakos”a qarşı görüşdə dörd qol vurub.

Qeyd edək ki, Kilian Mbappe “Real”ın heyətində keçirdiyi 105 oyunda 89 qol və 12 məhsuldar ötürmə ilə yadda qalıb.

Namiq HUN

TodayPress TV