Futbol dünyasını sarsıdan hadisə: “Kalyari”nin gənc hücumçusu reanimasiyada
İtaliyanın “Kalyari” klubunun hücumçusu Yael Trepi Sardiniyada hovuzda baş verən insidentdən sonra xəstəxanaya yerləşdirilib.
TodayPress TV “Unione Sarda”ya istinadən xəbər verir ki, 20 yaşlı futbolçu ötən günü axşam istirahət etdiyi villada hovuzda olarkən huşunu itirib.
O, təcili tibbi yardım vasitəsilə xəstəxanaya çatdırılıb və süni tənəffüs aparatına qoşulub.
Hazırda Trepi reanimasiya şöbəsindədir. Futbolçu lazımi tibbi müayinələrdən keçirilib.
“Kalyari” rəhbərliyi xəstəxana və futbolçunun ailəsi ilə daim əlaqə saxlayır və onun səhhəti barədə mütəmadi məlumat alır.
Qeyd edək ki, Trepi “Kalyari”nin yetirməsidir və 2026-cı ilin fevralından əsas komandada çıxış edir. O, ötən mövsüm A Seriyasında 8 matçda iştirak edib və 1 qol vurub.
Namiq HUN
TodayPress TV
