ABŞ qırıcı təyyarəsi İran üzərində missiya zamanı təcili eniş etdi
ABŞ Hərbi Hava Qüvvələrinə məxsus beşinci nəsil “F-35” qırıcı təyyarəsi İranın hava hücumundan müdafiə sistemlərinin atəşinə məruz qaldıqdan sonra döyüş uçuşunu dayandırmağa məcbur olub.
TodayPress TV xəbər verir ki, bu barədə “CNN” mənbələrə istinadən məlumat yayıb.
Məlumata görə, qırıcı təyyarə Yaxın Şərqdəki ABŞ hava bazasına təcili eniş edib.
ABŞ Mərkəzi Komandanlığının sözçüsü kapitan Tim Hokins pilotun təcili eniş etmək məcburiyyətində qaldığını və vəziyyətinin sabit olduğunu təsdiqləyib.
Nəşr qeyd edib ki, bu hadisə tammiqyaslı hərbi əməliyyatların başlamasından bəri İran atəşi ilə Amerika təyyarəsinin vurulmasının ilk təsdiqlənmiş hadisəsi olub.
Aysel Mətləb
