Vadeful: "Ukrayna atəşkəs olmadan danışıqlara başlamayacaq"

Almaniyanın xarici işlər naziri Yohann Vadeful bildirib ki, danışıqlara başlamaq üçün ilk və əsas şərt atəşkəsin təmin edilməsidir.

TodayPress TV xəbər verir ki, bu fikirləri o, Almaniyanın "ARD" telekanalına açıqlamasında səsləndirib.

Nazir qeyd edib ki, atəşkəs təmin olunmadan heç kim, xüsusən də Ukrayna, danışıqlara başlamayacaq və sülh prosesində iştirak etməyəcək.

Onun sözlərinə görə, birbaşa sülh danışıqları ideyası mütləq şəkildə döyüşlərin dərhal dayandırılması planı ilə paralel irəliləməlidir.

“Mən hesab edirəm ki, hazırda bu iki ideya əl-ələ getməlidir. Danışıqlar mənasız deyil. Müharibəni birdəfəlik dayandırmaq məqsədi daşıyan hər bir söhbət yaxşı söhbətdir və biz belə söhbətləri dəstəkləyirik”, – deyə Vadeful vurğulayıb.

Qiymət Mahir