Mariupol vuruldu: Yük maşınları hədəfdə - VİDEO
Ukrayna şəhəri Mariupolda iyulun 3-nə keçən gecə silsilə partlayışlar baş verib.
TodayPress TV xəbər verir ki, Rusiya mənbələrinin məlumatına görə, şəhərdə ən azı 13 partlayış qeydə alınıb.
Bildirilib ki, pilotsuz uçuş aparatlarının hücumu zamanı Şevçenko bulvarı boyunca park edilmiş yük maşınları hədəfə alınıb. Nəticədə bir neçə yük maşını alovlanıb və müxtəlif ərazilərdə yanğınlar baş verib.
Şahidlərin sözlərinə görə, zərbələr əsasən 23-cü mikrorayon ərazisində qeydə alınıb. Yanğınların Şevçenko bulvarı, Stroiteley prospekti yaxınlığı, keçmiş "PortCity" ticarət mərkəzinin ətrafı, eləcə də 64 nömrəli məktəbin yaxınlığında baş verdiyi bildirilir.
Yerli sakinlər yük maşınlarından birinin tamamilə məhv olduğunu iddia edirlər. Onların sözlərinə görə, güclü tüstü və partlayışlar avtomobildə mülki təyinatlı olmayan yükün ola biləcəyi ehtimalını yaradır.
Türkan İsgəndərli
