Yaponiya və Türkiyə müdafiə sənayesində əməkdaşlığı genişləndirir

Türkiyəyə səfər edən Yaponiyanın müdafiə naziri general Nakatani müdafiə sənayesində əməkdaşlığı inkişaf etdirmək məqsədilə işçi qrupları səviyyəsində danışıqlara başlamaq qərarına gəldiklərini açıqlayıb. 

TodayPress TV xəbər verir ki, bu barədə “Haber Global” məlumat yayıb. 

O, Türkiyənin Milli Müdafiə naziri Yaşar Gülər və Müdafiə Sənayesi Başçılığı rəsmiləri ilə görüşlər keçirib. Görüşlərdə Türkiyənin Yaponiyanın komanda və idarəetmə imkanlarına marağı, Yaponiyanın Türkiyənin pilotsuz uçuş aparatları sənayesinə diqqəti, həmçinin ixraca nəzarət və sənaye əməkdaşlığı məsələləri müzakirə olunub. 

Nakatani bildirib ki, məsləhətləşmələrin başlanması müdafiə məhsullarının dərhal alınacağı anlamına gəlmir, məqsəd əməkdaşlıq imkanlarını dəyərləndirməkdir. 

Səfər çərçivəsində nazirin İstanbulda gəmiqayırma zavodunu və “Baykar” şirkətini ziyarət edəcəyi gözlənilir. 

Aysel Mətləb