Niderland ordusu 2028-ci ilədək Litvada qalacaq? - Krallıq bəyan etdi
Niderland hökuməti silahlı qüvvələrinin Litvada yerləşən NATO-nun çoxmillətli döyüş qrupunda iştirakını 2028-ci il dekabrın 31-dək uzatmaq qərarına gəlib.
TodayPress TV xəbər verir ki, bu barədə Krallığın Müdafiə Nazirliyinin bəyanatında bildirilib.
Qeyd olunub ki, çoxmillətli döyüş qrupu NATO-nun alyansın şərq cinahında həyata keçirdiyi "gücləndirilmiş qabaqcıl mövcudluq" proqramının tərkib hissəsidir. Niderland hökumətinin qiymətləndirməsinə görə, ölkə hərbçilərinin bu missiyada iştirakı alyans ərazisinin müdafiəsini gücləndirməyə, həmçinin Litva və regionun digər dövlətlərinə dəstəyin təmin edilməsinə xidmət edir.
Məlumata görə, Niderland hərbçiləri 2017-ci ildən etibarən fasiləsiz olaraq bu missiyada iştirak edirlər. Bu, ölkənin iştirak müddətinin uzadılması ilə bağlı üçüncü qərardır. Daha əvvəl mandat 2021 və 2024-cü illərdə uzadılmışdı.
Aysel Mətləb
