Vaqif Cavadov “Tvente” klubuna baş çəkdi
“Sumqayıt” klubunun əvəzedicilərdən ibarət komandasının baş məşqçisi Vaqif Cavadov PRO kateqoriyalı məşqçilik kursları çərçivəsində Niderlandın “Tvente” klubunda təcrübədə olub.
TodayPress TV xəbər verir ki, bu barədə Sumqayıt təmsilçisi məlumat yayıb.
Cavadov səfər zamanı həm əsas komandanın, həm də “Tvente” akademiyasının məşqlərini izləyib.
Mütəxəssis, həmçinin “Tvente”nin funksionerləri və məşqçiləri ilə görüşərək, onlarla fikir mübadiləsi aparıb.
Xatırladaq ki, Vaqif Cavadov futbolçu olduğu dönəmdə, 2010/2011-ci illər mövsümündə “Tvente” klubunun formasını geyinib.
Namiq HUN
