Messi: “Özümü yaxşı hiss etdiyim müddətcə oynayacağam”
Lionel Messi “İnter Mayami” ilə müqaviləsini 2028-ci ilə qədər uzadıb.
TodayPress TV NBC-yə istinadən xəbər verir ki, argentinalı ulduz bu qərarı öz fiziki və mənəvi vəziyyətinə əsaslanaraq verdiyini bildirib.
“Bu il özümü çox yaxşı hiss edirdim. Mayamidə yaşamaqdan çox xoşbəxtəm, ailəm də buranı sevir. Buna görə qərar vermək mənim üçün asan oldu. Ən əsası, özümə qarşı səmimi olmağa çalışıram. Özümü yaxşı hiss etdikdə bundan zövq alıram. Amma pis hiss etdiyim vaxt bundan həzz almıram və o halda belə bir yerdə olmaq istəməzdim. Həmişə demişəm ki, qərarlarımı fiziki və mənəvi vəziyyətimə əsasən verəcəyəm ki, oynamağa və bu klubun bir hissəsi olmağa davam edə bilim”.
Namiq HUN
