Dua Lipa İsrail tərəfdarı fikirlərə görə agentin işdən çıxarılması iddiasını rədd etdi
Pop ulduzu Dua Lipa, İrlandiyalı Kneecap qrupunun Glastonbury festivalındakı çıxışı ilə bağlı yayılan xəbərləri yalanlayıb.
TodayPress TV "BBC" yə istinadən xəbər verir ki "The Mail Online" iddia etmişdi ki, Lipa agenti David Levy ilə yollarını onun Kneecap qrupunu Fələstin tərəfdarı fikirlərə görə tərk etməyə çağırması səbəbindən ayırıb. Lakin həm Lipa, həm də onun agentliyi WME bu xəbəri “qətiyyən yalan” adlandırıb və Levyin Lipanın komandasında yalnız 2019-cu ilə qədər çalışdığını bildirib.
Müğənni İnstaqramda açıqlama verərək deyib: “David Levy və digər menecerlərin sənətçiyə qarşı hər hansı hərəkətini qəbul etmirəm. Mail-in hekayəsi qəsdən gərginlik yaratmaq və onlayn klikləri artırmaq üçün hazırlanıb. Qəzet satmaq üçün qlobal faciədən istifadə məni narahat edir.”
WME də BBC-yə bildirib ki, “Dua Lipa və ya rəhbərliyi agentlərimizi siyasi baxışlarına görə işdən çıxarması barədə xəbərlər tamamilə yalandır.”
Kneecap qrupu iyun ayında Glastonbury-də çıxış edərkən “Azad Fələstin” şüarları səsləndirib. Qrup üzvlərindən biri səhnədə qadağan olunmuş bir təşkilatı təmsil edən bayraq nümayiş etdirdiyi üçün ittiham olunub. Musiqiçi bu iddiaları rədd edir və məhkəmə prosesinə hazırlaşır.
Dua Lipa həmçinin Qəzzadakı münaqişə ilə bağlı humanitar atəşkəs çağırışı edib, İsrailin hücumlarını pisləyib və beynəlxalq ictimaiyyəti Qəzzadakı uşaqların müdafiəsinə dəstək olmağa çağırıb.
Jalə Rövşən
