Rusiya ABŞ ilə strateji silah müqaviləsi bağlayacaq
Rusiya Prezidenti Vladimir Putin ABŞ Prezidenti Donald Trampla gözlənilən görüş zamanı strateji hücum silahlarına dair yeni sazişin imzalanmasını istisna etməyib.
TodayPress TV xəbər verir ki, bu barədə Kremlin rəsmi saytı məlumat yayıb.
Avqustun 14-də Putin Kremldə müdafiə naziri Andrey Belousov, Baş Qərargah rəisi Valeri Gerasimov, FTX rəhbəri Aleksandr Bortnikov və digər yüksək vəzifəli şəxslərlə görüş keçirib.
Prezident bildirib ki, Rusiya-Amerika sammitində mümkün razılaşmalar ölkələr arasında, Avropada və ümumilikdə dünyada uzunmüddətli sülhün bərqərar olması üçün vacibdir.
Qeyd edək ki, Tramp və Putinin danışıqları avqustun 15-də ABŞ-nin Alyaska ştatında keçiriləcək.
Türkan İsgəndərli
