Güləşçimiz Dünya Seriyasında üçüncü oldu
Azərbaycanın çimərlik güləşçisi Vüsal Əliyev (80 kq) Mərakeşdə keçirilən Dünya Seriyasının III mərhələsində uğurlu çıxış edib.
TodayPress TV Güləş Federasiyasının mətbuat xidmətinə istinadən xəbər verir ki, Kasablanka turnirinin təsnifat mərhələsini qazanan bahadırımız B qrupuna yüksəlib.
Qrupda Keniya, Fransa və Serbiya güləşçilərinə qalib gələn Əliyev, yarımfinal mərhələsində yunanıstanlı rəqibinə məğlub olub. Vüsal turnirin bürünc medalı uğrunda yarışda fransalı Huqo Kuenoya qalib gəlib.
Namiq HUN
