Tamblinq gimnastları dünya çempionu oldular
Azərbaycanın tamblinq gimnastikası komandası İspaniyada keçirilən dünya çempionatında qızıl medal qazanıb.
TodayPress TV xəbər verir ki, Pamplona mundialında heyəti Mixail Malkin, Tofiq Əliyev, Adil Hacızadə və Bilal Qurbanovdan ibarət ola komanda təsnifatda birinci yeri tutaraq finala vəsiqə qazanıb.
Həlledici yarışda isə millimiz 26 xal toplayaraq dünya çempionatının baş mükafatına sahib çıxıb. ABŞ komandası (22 xal) ikinci, Danimarka isə (18 xal) üçüncü olub.
Qeyd edək ki, daha əvvəl dünya çempionu olmuş Mixail Malkin fərdi yarışlarda liderlik edir.
Xatırladaq ki, iki il əvvəl də Azərbaycanın tamblinq komandası dünya çempionatında qalib gəlmişdi. Malkin isə fərdi yarışda birinci olmuşdu.
Namiq HUN
