Ukrayna Rusiyanı yerə doldurur - 32 zavoddan 30-u darmadağın edildi

Ukrayna dronları Rusiyanın neft sektoruna ağır zərbələr endirir. Ölkənin 32 əsas neft emalı zavodundan 30-dan çoxu artıq sıradan çıxarılıb. Ukrayna dronları Rusiyanın neft emalı zavodlarına ağır zərbələr vurur. Ryazan, Yaroslavl, Sizran, Tuapsi, Volqoqrad, Kstovo (NORSI), Samara (Kuibışevski), Kirişi və Moskva (Kapotnya) kimi böyük zavodlar dəfələrlə hədəfə alınıb.

Hazırda Rusiyanın ümumi emal gücünün təxminən 40 faizi ya tam dayanır, ya da təmir işləri aparılır. Xüsusilə Avropa hissəsində yerləşən zavodların böyük əksəriyyəti zədələnib və cəmi bir neçəsi normal işləyir.

Hücumlar sistemli şəkildə davam edir. Dronlar əsasən zavodların ən vacib hissələrini – emal qurğularını hədəf alır. Təmir işləri isə Qərb sanksiyalarına görə çox ləng gedir, çünki lazımi avadanlıqlar əldə etmək çətindir. Bir çox zavodda istehsal aylarla bərpa oluna bilmir.

Nəticədə Rusiya 2026-cı ilin payızına qədər neft məhsullarının ixracını xeyli azaltmalı və ya tam dayandırmalı ola bilər. Qalan neft ehtiyatları əsasən orduya və hərbi-sənaye kompleksinə ayrılacaq. Adi vətəndaşlar üçün isə vəziyyət çətinləşəcək. Yanacaq qıtlığı, qiymətlərin kəskin artması, yanacaqdoldurma məntəqələrində uzun növbələr və boş stansiyalar. Bəzi ekspertlər hətta kupon sisteminin qayıtmasını da istisna etmir.

2027-ci ilin yazına qədər isə Rusiyada işləyən neft emalı zavodlarının sayı çox az qala bilər. Bu, ölkə iqtisadiyyatına böyük yük olacaq. Neft məhsullarından gələn gəlir azalacaq, büdcədə kəsir yaranacaq, inflyasiya artacaq.

Rusiya hökuməti hava müdafiəsini gücləndirməyə çalışsa da, dron hücumlarının qarşısını tam almaq hələ də mümkün olmur.

Məsələ burasındadır ki, Ukrayna ucuz dronlarla Rusiyanın ən vacib gəlir mənbəyini vura bilir. Rusiya üçün isə bu, enerji sektorunda ciddi gerilik yaradır. Ukrayna hazırkı templə davam etsə, Rusiyanı uzun müddətli problemlər gözləyir. Neft ixracı azaldıqca bu qlobal bazarda da qiymətlərə təsir edəcək.

Jalə Rövşən