Salah transferi niyə baş tutmadı? "Beşiktaş" danışdı

“Beşiktaş”ın futbol direktoru Öndər Özen Məhəmməd Salahın İstanbul klubuna mümkün transferinin baş tutmaması ilə bağlı açıqlama verib.

TodayPress TV xəbər verir ki, o, “beIN SPORTS Türkiye” telekanalına müsahibəsində danışıqların müəyyən mərhələdən sonra dayandırıldığını bildirib.

Özenin sözlərinə görə, Misir millisinin hücumçusu ilə danışıqların ilk mərhələsi müsbət keçib.

“Məhəmməd Salah dünya ulduzudur. Onun beynəlxalq nüfuzu çox yüksəkdir. Danışıqların əvvəlində mən və Vinçenso İtalyano onunla üç dəfə görüşdük. Lakin iyulun 21-dən etibarən ilkin müsbət dinamika zəifləməyə başladı”, – deyə klub rəsmisi bildirib.

Öndər Özen əlavə edib ki, “Beşiktaş” rəhbərliyi bu səbəbdən transfer danışıqlarını müvəqqəti dayandırmaq qərarına gəlib.

“Prezidentimiz doğru anda prosesi dayandırdı. Populist qərar vermək əvəzinə realist mövqe sərgilədi. Hazırda Məhəmməd Salah məsələsi bizim üçün təxirə salınıb”, – deyə “Beşiktaş”ın futbol direktoru vurğulayıb.

Qeyd edək ki, daha əvvəl İstanbul təmsilçisinin yay transfer pəncərəsində “Liverpul”dan ayrılan 33 yaşlı Məhəmməd Salahı heyətinə qatmaq üçün danışıqlar apardığı bildirilsə də, tərəflər müqavilə şərtləri ilə bağlı razılığa gələ bilməyiblər.

Namiq HUN