BMT: 2024-cü ildə aclıq artıb

2024-cü ildə 53 ölkədə 295 milyon insan kəskin aclıqla üzləşib. Bu, 2023-cü illə müqayisədə 13,7 milyon nəfər çoxdur.

TodayPress TV xəbər verir ki, BMT-nin hesabatına görə, aclığın əsas səbəbi münaqişələrdir. 

Sudan və Qəzzada aclıq fəlakət səviyyəsinə çatıb. Qəzzada humanitar yardım nəticəsində aclıq müvəqqəti dayandırılıb, lakin vəziyyətin yenidən pisləşmə riski qalır.

İqlim dəyişiklikləri və iqtisadi böhranlar da vəziyyəti ağırlaşdırıb. 2024-cü ildə 128 milyon insan məcburi köçkün olub və onların əksəriyyəti ərzaq böhranı yaşayan ölkələrdədir.

BMT-nin Ərzaq və Kənd Təsərrüfatı Təşkilatının (FAO) rəhbəri bildirib ki, kənd təsərrüfatına təcili dəstək aclığın qarşısını almaq üçün əsas yoldur.

Qiymət Mahir