"WhatsApp"a 3,5 milyonluq cərimə

Moskvanın Taqanski Məhkəməsi “WhatsApp” messencerini məhdudlaşdırılmış məlumatların yayılmasına görə 3,5 milyon rubl (təxminən 45,500 Azərbaycan manatı) cərimələyib.

TodayPress TV xəbər verir ki, bu barədə paytaxtın ümumi yurisdiksiya məhkəmələrinin mətbuat xidməti öz "Telegram" kanalında məlumat yayıb.

"WhatsApp" MMC Rusiya Federasiyasının İnzibati Xətalar Məcəlləsinin 13.41-ci maddəsinin 2-ci hissəsinə əsasən inzibati xəta törətməkdə təqsirli bilinib və 3,5 milyon rubl məbləğində inzibati cəriməyə məhkum edilib", - məlumatda deyilir.

"TASS"ın məlumatına görə, söhbət spirtli içkilərin satışı ilə bağlı mesajların yayılmasından gedir.

Töhfə Səməd