Polşa “Patriot” sistemi ilə ilk döyüş raket buraxılışını həyata keçirdi
Polşanın Baş naziri Donald Tusk və müdafiə naziri Vladislav Kosinyak-Kamyş sentyabrın 16-sı ölkənin yeni "Patriot" hava hücumundan müdafiə sistemi ilə həyata keçirilən ilk döyüş raket buraxılışında iştirak ediblər.
TodayPress TV xəbər verir ki, bu barədə “TVP World” məlumat yayıb.
Canlı atış təlimi NATO müttəfiqləri ilə birlikdə sentyabrın sonuna qədər davam edəcək "Iron Defender” adlı genişmiqyaslı hərbi təlimlərin bir hissəsi olub.
Qeyd edək ki, bu manevrlər, eyni gün başa çatan və Polşanın şərq sərhədi yaxınlığında keçirilən Rusiya-Belarusun "Zapad 2025" hərbi təlimlərinə cavab olaraq təşkil edilib.
Aysel Mətləb
