Madaqaskarda tropik siklon: Doqquz nəfər öldü
"Gezan" adlı tropik siklon Madaqaskarın şərq sahillərinə çataraq ölkənin ikinci ən böyük şəhəri Toamasinada doqquz nəfərin ölümünə səbəb olub.
TodayPress TV xəbər verir ki, bu barədə "Reuters" məlumat yayıb.
Bildirilir ki, güclü külək və yağış ərazini bürüyüb.
Madaqaskarın fəlakət idarəetmə agentliyi bildirir ki, Toamasina liman şəhərində ehtiyat tədbirləri görülüb. 19 nəfər yaralanıb, təxminən 1500 sakin təhlükəsizlik üçün təxliyə edilib.
BMT-nin məlumatına görə, bu, bu il Madaqaskara vuran ikinci tropik siklondur. 10 gün əvvəl Fitia siklonu 14 nəfərin ölümünə və 31 mindən çox insanın evsiz qalmasına səbəb olmuşdu.
Siklon zamanı küləyin sürəti 185 km/saat, ancaq bəzi anlarda 270 km/saat səviyyəsinə çatıb. Bu, evlərin damlarının uçmasına, ağacların kökündən qopmasına və elektrik kəsintilərinə səbəb olub. Məktəblər bağlanıb və təcili sığınacaqlar hazırlandı.
Türkan İsgəndərli
