İran Hörmüz boğazı üçün yeni addım atır: Rabitə xətti istifadəyə verilir
Ölkə Hörmüz boğazından keçən gəmilərin təhlükəsizliyini təmin etmək məqsədilə xüsusi rabitə xətti istifadəyə verəcək.
TodayPress TV xəbər verir ki, bunu İran Parlamentinin sədri Məhəmməd Baqir Qalibaf bildirib.
Onun sözlərinə görə, yeni mexanizm dünyanın ən vacib gəmiçilik marşrutlarından birində mümkün insident və qarşıdurma risklərini azaltmağa kömək edəcək.
Bundan əvvəl ABŞ-nin vitse-prezidenti Ceyms Di Vens Hörmüz boğazının açıq olduğunu və buradan böyük həcmdə neft və qaz daşındığını bildirmişdi.
İyunun 21-də ABŞ və İran nümayəndələri Bürgenstokdə görüş keçirərək sülh sazişinin hazırlanması üçün yol xəritəsi üzərində razılıq əldə ediblər. Məlumata görə, danışıqlarda Hörmüz boğazında gəmiçiliyin təhlükəsizliyinin təmin olunması məsələsində də irəliləyiş qeydə alınıb.
Türkan İsgəndərli
