Ermənistanda hərbçinin müəmmalı ölümündən sonra vəzifəli şəxs istefa verdi

Ermənistan Müdafiə Nazirliyinin Hərbi Polisinin rəisi general-mayor Aşot Zakaryan vəzifəsindən azad olunması üçün ərizə yazıb.

TodayPress TV xəbər verir ki, bu barədə “Hraparak” qəzeti məlumat yayıb.

İstefanın Ermənistan ordusunda son dövrlərdə hərbçilərin ölümü ilə bağlı yaranmış vəziyyət fonunda baş verdiyi bildirilir. Baş nazir Nikol Paşinyan daha əvvəl orduda baş verən son ölüm hadisəsindən danışarkən Hərbi Polisdə dəyişikliklərin olacağını açıqlayıb. 

Zakaryan Hərbi Polisin rəisi vəzifəsinə 2020-ci il avqustun 6-da təyin edilib.

Məlumat üçün qeyd edək ki, avqustun 13-də Ermənistanın N saylı hərbi hissəsinin hərbi qulluqçusu Qriqor Edqaroviç Zakaryanın güllələnmiş meyiti tapılıb.