Tarixi uğur: Nərgiz Süleymanova Avropa çempionatına yüksəldi
Azərbaycan fiqurlu konkisürəni Nərgiz Süleymanova Avropa çempionatına dəvət alıb.
TodayPress TV xəbər verir ki, bu barədə Qış İdmanı Növləri Federasiyası məlumat yayıb.
Süleymanova qitə yarışına vəsiqəni noyabrın 27-dən 30-dək İstanbulda keçirilən “Bosphorus Cup” turnirində qazanıb.
Qısa və sərbəst proqram üzrə çıxışların yekun nəticəsinə əsasən 156,53 xal toplayan fiqurlu konkisürənimiz qızıl medala layiq görülərək ilk dəfə Avropa çempionatına vəsiqə əldə edib.
Digər fiqurlu konkisürənlərimizdən Arina Kaluqina “Bosphorus Cup” turnirini 154.85 xalla 5-ci, Səbinə Əliyeva isə 137.22 xalla 6-cı yerdə bitirib.
Namiq HUN
