Alüminiumun qiyməti bahalaşdı
Oktyabrın 28-də alüminium qiymətləri təxminən 3,5 ilin ən yüksək səviyyəsinə çatıb.
TodayPress TV-nin məlumatına görə, bu barədə "LME" ticarət platformasından bildirilib.
Məlumata əsasən, Bakı vaxtı ilə saat 20:40 üçün "LME"də üç aylıq alüminium fyuçerslərinin qiyməti 0,6% artaraq bir ton üçün 2893,5 dollar təşkil edib. Ticarət sessiyası ərzində isə 2022-ci ilin may ayından bəri ən yüksək səviyyəyə, bir ton üçün 2900,3 dollara çatıb.
"Trading Economics" qeyd edib ki, qiymətlər qısa müddətdə təklifin məhdudluğu və uzun müddətdə müsbət tələb proqnozları fonunda yüksəlir.
