Ürək problemi Oskarı peşəkar futboldan uzaqlaşdırdı
“San-Paulu” klubunun futbolçusu Oskar peşəkar karyerasını erkən bitirməyə məcbur olub.
TodayPress TV xəbər verir ki, bu barədə “Goal” nəşri məlumat yayıb.
34 yaşlı futbolçuda ürəklə bağlı problemlər aşkarlanıb. Bu səbəbdən o, xəstəxanaya yerləşdirilib. Həkimlər huşunu itirən Oskara ürək ritmi ilə arterial təzyiqə təsir edən “vazovaqal bayılma” diaqnozu qoyublar.
Həkimlər sağlamlığı üçün riskləri nəzərə alaraq futbolçuya peşəkar səviyyədə çıxışlarını dayandırmağı tövsiyə ediblər.
Qeyd edək ki, Oskar 2012-2017-ci illərdə “Çelsi” klubundakı çıxışı ilə tanınıb.
Namiq HUN
