Türkiyədə böyük həyəcan: Salahın təqdimatı gözlənilir

“Beşiktaş” klubu bu gün cinah oyunçusu Məhəmməd Salahın transferini rəsmən açıqlaya bilər.

TodayPress TV xəbər verir ki, bu barədə türkiyəli jurnalist Atakan Kurt “X” sosial şəbəkəsində məlumat yayıb.

Mənbənin iddiasına görə, İstanbul təmsilçisi misirli futbolçunun soyadı yazılmış formaları artıq hazırlayıb və transferlə bağlı bütün təşkilati işləri yekunlaşdırıb.

Bildirilir ki, keçidin bu gün rəsmən elan olunacağı gözlənilir. Bundan sonra Salah üçün hava limanında təntənəli qarşılama təşkil ediləcək, daha sonra isə “Beşiktaş”ın stadionunda müqavilə imzalanma mərasimi keçiriləcək.

Qeyd edək ki, Türkiyə mətbuatı son həftələrdə “Beşiktaş”ın Məhəmməd Salahı yay transfer pəncərəsinin əsas hədəfi kimi müəyyənləşdirdiyini yazırdı. Misirli ulduz bu yay “Liverpul” klubundan azad agent kimi ayrılıb.

Xəbər jurnalist Atakan Kurtun və Türkiyə mətbuatının yaydığı məlumata əsaslanır. Klub tərəfindən hələlik rəsmi açıqlama verilməyib.

Namiq HUN