“İnter” Kivuya güvəndi: yeni müqavilə, yeni maaş!
Rumıniyalı mütəxəssis Kristian Kivu İtaliyanın “İnter” klubu ilə müqaviləsini uzadacaq.
TodayPress TV tanınmış insayder Nikolo Skiraya istinadən xəbər verir ki, Milan təmsilçisi baş məşqçi ilə sözləşməni 2028-ci ilin yayına qədər artıracaq.
Müqavilədə daha bir il uzadılma imkanı da nəzərdə tutulub. Yeni anlaşmada Kivunun maaşı da artırılacaq.
Kivu 2025-ci ilin iyununda “İnter”in baş məşqçisi təyin olunub. O, daha əvvəl “Parma” klubunda və “İnter”in gənclər komandalarında çalışıb.
45 yaşlı Kristian Kivu futbolçu karyerası ərzində “İnter”, “Roma”, “Ayaks” və “Reşitsa” klublarının formasını geyinib.
Namiq HUN
