Tramp dünya rekordunu qırmağa hazırlaşır

ABŞ Prezidenti Donald Tramp ölkənin müstəqilliyinin 250 illiyi münasibətilə keçiriləcək bayram tədbirlərində dünya rekordunu qıracaq atəşfəşanlıq şousu təşkil etməyi planlaşdırır.

TodayPress TV xəbər verir ki, məlumata görə, iyulun 4-də Vaşinqton şəhərində 10 fərqli nöqtədən ümumilikdə 850 min pirotexniki mərmi buraxılması nəzərdə tutulur. Atəşfəşanlıq şousunun 40 dəqiqə davam edəcəyi bildirilir.

Müqayisə üçün qeyd edək ki, indiyədək ABŞ paytaxtında təşkil olunan ənənəvi atəşfəşanlıq proqramları adətən 25 dəqiqəyə qədər davam edir və təxminən 20 min pirotexniki mərmini əhatə edirdi.

Hazırda bu sahədə dünya rekordu Filippinə məxsusdur. 2016-cı ildə bu ölkədə 810 min atəşfəşanlıq mərmisi buraxılaraq rekord qeydə alınıb.

Donald Tramp qarşıdakı tədbiri “Amerikanın şərəfinə tarixdə keçirilən ən möhtəşəm Tramp mitinqi” adlandırıb.

Kübra Musayeva