“Politico”: İrana qarşı əməliyyat Aİ-nin diqqətini Ukraynadan yayındırıb
ABŞ-nin İrana qarşı əməliyyatı Avropa İttifaqının diqqətini Ukraynadan qismən yayındırıb.
TodayPress TV xəbər verir ki, bu barədə "Politico" nəşri yazıb.
Qəzetin məlumatına görə, ötən həftə Macarıstanın Ukraynaya 90 milyard avroluq "müharibə krediti" verməsinə qoyduğu qadağanı necə aradan qaldıracağını fəal şəkildə müzakirə edən Aİ indi diqqətini ABŞ-nin İrana qarşı əməliyyatına yönəldib.
Qəzet qeyd edir ki, nəticədə Ukraynanın mart ayının sonuna qədər vəsait çatışmazlığı ilə üzləşəcəyi gözlənilir.
Rusiya nefti 27 yanvardan bəri Macarıstana axmır. Budapeşt artıq boru kəmərinin bərpa olunduğunu və Kiyevin siyasi səbəblərdən onu blokladığını bildirib.
Buna görə də Macarıstan cavab tədbirləri görərək Ukraynaya dizel yanacağı tədarükünü dayandırıb və Aİ-nin ona 90 milyard avroluq "müharibə krediti" verməsinə icazə verməkdən imtina edib.
Xatırladaq ki, fevralın 28-də ABŞ və İsrail İrana qarşı hərbi əməliyyata başlayıb.
