Nobel mükafatlı alimə ŞKTC vətəndaşlığı verildi
Kimya üzrə Nobel mükafatı laureatı Prof. Dr. Əziz Sancara Şimali Kipr Türk Cümhuriyyətinin (ŞKTC) vətəndaşlığı verilib.
TodayPress TV xəbər verir ki, bu barədə qərar ŞKTC-nin rəsmi qəzetində dərc olunub.
Nazirlər Kabinetinin açıqlamasında bildirilir ki, Sancarın elmi, texniki və mədəniyyət sahələrində Şimali Kiprə xidmət edəcəyi və ölkənin xaricdə tanıdılmasına töhfə verəcəyi nəzərə alınaraq onun vətəndaşlığa qəbul olunmasına qərar verilir.
Qəzetdə Sancarın tərcümeyi-halı və elmi nailiyyətləri də yer alıb. Qeyd olunub ki, onun dünya miqyasında tanınması və bəşəriyyətə verdiyi töhfələr bu qərarda həlledici rol oynayıb.
Türkan İsgəndərli
