İtaliyada qatarlar toqquşdu
20 apreldə İtaliyanın Milan şəhəri yaxınlığında sərnişin və yük qatarı arasında toqquşma baş verib.
TodayPress TV xəbər verir ki, bu barədə "ANSA" məlumat yayıb.
Hadisə Pavia stansiyasında qeydə alınıb. Sərnişin qatarı stansiyadan təxminən 30 km/saat sürətlə çıxarkən relslərdə dayanan yük qatarı ilə toqquşub. Qısa əyləc məsafəsi səbəbindən qəzanın qarşısını almaq mümkün olmayıb.
İlkin məlumatlara görə, sərnişinlər və heyət arasında xəsarət alan olmayıb. Sərnişinlər başqa qatarla Milana aparılıb.
Qəza səbəbindən İtaliya dəmir yollarının Milan–Genoa xəttində hərəkət müvəqqəti dayandırılıb.
Hadisənin dəqiq səbəbləri hazırda araşdırılır.
Türkan İsgəndərli
