İrəvanın səbri tükəndi, Paşinyan hökm oxudu: "Ya problemləri düzəldin, ya da..."

Ermənistanın Baş naziri Nikol Paşinyan Avrasiya İqtisadi İttifaqında (Aİİ) mövcud problemlərin aradan qaldırılmaması halında qurumun dağılmasının qaçılmaz olacağını bildirib.

TodayPress TV xəbər verir ki, Paşinyan bu fikri hökumətin iclasından sonra keçirilən brifinqdə səsləndirib.

Baş nazir daha əvvəl dediyi "Aİİ qərar verməlidir – var, yoxsa yoxdur" ifadəsinə aydınlıq gətirərək bildirib ki, ittifaqın fəaliyyəti malların, işçi qüvvəsinin və maliyyənin sərbəst hərəkətinə əsaslanır. Onun sözlərinə görə, bu prinsiplər işləmirsə, deməli, Aİİ də faktiki olaraq fəaliyyət göstərmir.

Paşinyan qeyd edib ki, bu cür problemlər bir-iki ay davam edə bilər, lakin vəziyyət dörd aydır dəyişmirsə, bu, ciddi narahatlıq doğurur.

Ermənistan hökumətinin Aİİ-dən çıxmaq məqsədi daşımadığını vurğulayan Paşinyan bildirib ki, problemlər həll edilməsə, ittifaqın dağılması qaçılmaz olacaq.

Qiymət Mahir