ABŞ Türkiyənin "Kaan" qırıcısı ilə bağlı hərəkətə keçdi - Müqavilə hazırlayır
ABŞ administrasiyası Türkiyəyə qırıcı təyyarə mühərriklərinin tədarükü üçün 700 milyon dollar dəyərində müqavilə imzalamağı planlaşdırır.
TodayPress TV xəbər verir ki, bu barədə "Reuters" məlumat yayıb.
Məlumata görə, bununla bağlı bildiriş ABŞ Konqresinə göndərilib. Qanunvericilərin müqaviləyə etiraz edərək onu bloklamaq üçün 15 gün vaxtı var.
Bildirilir ki, müqavilə çərçivəsində onlarla "General Electric" mühərrikinin Türkiyəyə tədarükü nəzərdə tutulur. Bu mühərriklər Türkiyənin hazırladığı beşinci nəsil "Kaan" qırıcı təyyarələrində istifadə olunacaq.
Agentlik qeyd edir ki, mühərriklərin tədarükü iyulun əvvəlində Ankarada keçiriləcək NATO sammiti öncəsi Türkiyə üçün mühüm jest kimi qiymətləndirilir.
Türkan İsgəndərli
