Almaniya və İspaniya diplomatları Azərbaycan vasitəsilə İrandan təxliyə olundu
Almaniya və İspaniya diplomatik korpusunun əməkdaşları "Astara" dövlət sərhədindən buraxılış məntəqəsi vasitəsilə İrandan Azərbaycana təxliyə olunub.
TodayPress TV xəbər verir ki, 13 Almaniya və 6 İspaniya diplomatı olmaqla, 3 Azərbaycan vətəndaşı və 1 Banqladeş vətəndaşının təxliyəsi həyata keçirilib.
Təxliyə prosesi müvafiq sənəd yoxlanışı, qeydiyyat və digər prosedurların yerinə yetirilməsi ilə həyata keçirilib və sərhəd-keçid məntəqəsində təhlükəsiz keçidin təmin edilməsi üçün bütün zəruri tədbirlər görülüb.
Qeydiyyat prosedurlarından sonra onlar təhlükəsiz şəkildə təyinat istiqamətlərinə yola salınıblar.
