AŞPA-nın anti-Azərbaycan qətnaməsi qəbul edildi: Ukraynalı deputatlar Bakıya dəstək verdi
Avropa Şurası Parlament Assambleyası (AŞPA) Azərbaycana qarşı növbəti qətnamə qəbul edib. Sənəddə ölkəmizə qarşı tənqidi mövqe sərgilənsə də, müzakirələr zamanı bəzi deputatlar Azərbaycanın mövqeyini müdafiə ediblər.
TodayPress TV xəbər verir ki, ukraynalı deputatlar Aleksey Qonçarenko və Tamila Taşeva çıxışlarında Azərbaycanın ərazi bütövlüyünə dəstək ifadə ediblər.
Tamila Taşeva bildirib ki, Ukrayna ərazi bütövlüyünün, suverenliyin və dövlətin öz torpaqları üzərində nəzarəti bərpa etmək hüququnun əhəmiyyətini yaxşı anlayır. Onun sözlərinə görə, bu prinsiplər bütün dövlətlər üçün eyni şəkildə tətbiq olunmalıdır.
Aleksey Qonçarenko da Azərbaycanın mövqeyini müdafiə edərək, ölkənin beynəlxalq səviyyədə tanınmış əraziləri üzərində nəzarəti bərpa etdiyini vurğulayıb.
Qeyd olunub ki, Azərbaycan uzun illərdir Ukraynanın ərazi bütövlüyünü dəstəkləyir və rəsmi Bakıya qarşı qərəzli yanaşmaların yolverilməz olduğu bildirilib.
Bununla yanaşı, AŞPA-nın qəbul etdiyi qətnamə Azərbaycana təzyiq göstərmək cəhdi kimi qiymətləndirilib və bu cür addımların Bakı ilə münasibətlərə mənfi təsir göstərə biləcəyi qeyd olunub.
