Qida çatışmazlığına səbəb ola biləcək istilər yaxınlaşır - ARAŞDIRMA
Alimlər "El Nino" iqlim fenomeninin yenidən güclənməsindən narahat olduqlarını bildirirlər.
TodayPress TV xəbər verir ki, “The Guardian” qəzetinin məlumatına görə, bu hadisə dünyanın bir sıra bölgələrində qida təhlükəsizliyi və ictimai sağlamlıq üçün risk yarada bilər.
Efiopiyada "El Nino" ilə malyariya arasındakı əlaqəni araşdıran tədqiqatçı Voiessa qeyd edib ki, iqlim anomaliyalarının təsirini azaltmaq üçün qida təhlükəsizliyi böyük əhəmiyyət daşıyır. Onun sözlərinə görə, ərzaq təchizatında yaranan problemlər ən çox həssas əhali qruplarına təsir edir.
ABŞ-nin Okean və Atmosfer Araşdırmaları üzrə Milli İdarəsi (NOAA) məlumat verib ki, "El Nino"nun ilin sonuna qədər maksimum gücünə çatma ehtimalı 63 faizdir. Eyni zamanda, Avstraliya Meteorologiya Bürosu həddindən artıq istilər və meşə yanğınları riskinin arta biləcəyi barədə xəbərdarlıq edib.
Ekspertlərin sözlərinə görə, "El Nino" əvvəlki illərdə də ciddi iqtisadi və humanitar problemlərə səbəb olub.
Türkan İsgəndərli
