Merts: Aİ Rusiyaya qarşı yeni sanksiyalar tətbiq edəcək
Avropa İttifaqı Rusiyaya qarşı növbəti sanksiyalar paketi üzərində iş aparır.
TodayPress TV xəbər verir ki, bu barədə Almaniya kansleri Fridrix Merts məlumat verib.
Onun sözlərinə görə, Brüssel yeni məhdudiyyətlər paketini yaxın həftələrdə təqdim etməyi planlaşdırır. O bildirib ki, sanksiyalar Moskvanın davam edən hərbi siyasətinə cavab olaraq hazırlanır və Aİ ölkələri arasında koordinasiya prosesi artıq yekun mərhələdədir.
Kansler əlavə edib ki, yeni paket həm iqtisadi, həm də sektorlar üzrə hədəflənmiş məhdudiyyətləri əhatə edə bilər. Sanksiyaların dəqiq məzmunu isə üzv dövlətlər arasında aparılan danışıqlardan sonra açıqlanacaq.
Türkan İsgəndərli
