Sloveniya Azərbaycana yaxınlaşdı
Avrokuboklar həftəsindən sonra UEFA reytinqi açıqlanıb.
TodayPress TV xəbər verir ki, avrokuboklarda Liqa mərhələsinin III turunun oyunlarından sonra Sloveniya UEFA reytinqində Azərbaycana yaxınlaşıb.
Bu “Sele” klubunun UEFA Konfrans Liqasında qələbə qazanması sayəsində mümkün olub. Komanda İrlandiyada “Şemrok Rovers”i iki cavabsız qolla məğlub edib.
Nəticədə əmsalını 21.718-ə çatdıran Sloveniya 26-cı pilləyə yüksəlib. 25-ci yerdəki Azərbaycanın isə hesabında 22.000 əmsalı var. Serbiya (22.375) 24-cü sıradadır.
Xatırladaq ki, “Qarabağ” UEFA Çempionlar Liqasının Liqa mərhələsində İspaniyada “Atletik”ə (1:3) məğlub olub.
Namiq HUN
