Hər gün yediyiniz qidalar arasında xolesterinə faydalı olanlar varmış!
Avokado ürək-damar sağlamlığı üçün faydalı yağlarla zəngin məhsullardan biridir.
TodayPress TV xəbər verir ki, lakin mütəxəssislər faydalı doymamış yağ turşuları ilə zəngin digər qidaların da “pis” xolesterinin səviyyəsini azaltmağa və ürək sağlamlığını dəstəkləməyə kömək etdiyini bildirirlər.
Bu məhsullar arasında qoz, çia toxumu, sızma zeytun yağı, badam əzməsi, təbii yoqurt, sardina və yumurta yer alır.
Qoz və çia toxumu omeqa-3 və digər faydalı maddələrlə, sardina isə omeqa-3, zülal, D vitamini və minerallarla zəngindir. Sızma zeytun yağı da ürək-damar sağlamlığını dəstəkləyən antioksidantlar və doymamış yağlar ehtiva edir.
Mütəxəssislər faydalı yağları artırmaq üçün həftədə ən azı iki dəfə yağlı balıq yeməyi, duzsuz qoz-fındığa üstünlük verməyi və kərə yağı əvəzinə sızma zeytun yağından istifadə etməyi tövsiyə edirlər.
Kübra Musayeva
