“Real Madrid” müdafiəsini ulduz transferlə gücləndirir
Fransalı müdafiəçi İbraima Konate “Real Madrid” klubuna keçməyə yaxındır.
TodayPress TV xəbər verir ki, “El Chiringuito”nun məlumatına görə, klub prezidenti Florentino Peres yenidən vəzifəsinə seçiləcəyi təqdirdə bu transfer rəsmiləşəcək.
Bildirilir ki, Madrid təmsilçisinin hazırkı prezidenti Konate ilə artıq razılıq əldə edib və keçid üçün əsas şərtlər razılaşdırılıb. Lakin müqavilənin qüvvəyə minməsi Peresin prezident postunda qalmasından asılıdır.
27 yaşlı müdafiəçi müqaviləsinin başa çatmasından sonra “Liverpul”dan azad agent kimi ayrılıb. Onunla bir sıra Avropa klubları maraqlansa da, müdafiəçinin əsas namizədi məhz “Real Madrid” hesab olunur.
Florentino Peres seçkilərdən sonra vəzifəsini qoruyub saxlasa, “kral klubu” Konateni transfer haqqı ödəmədən heyətinə qata biləcək.
Bu transfer baş tutacağı halda, “Komo”nun yarımmüdafiəçisi Niko Pasın da “Real Madrid”ə keçidi reallaşa bilər.
Namiq HUN
