CNN Azərbaycandan nə istəyir? — Mətbuat Şurasından REAKSİYA
Məlum olduğu kimi, 5 iyun 2026-cı il tarixində CNN özünün uydurduğu “mənbələrə” istinad edərək İsrailin İranla apardığı müharibə zamanı guya Azərbaycan ərazisindən istifadə etməsi ilə bağlı iddiaların yer aldığı material yayımlayıb.
Azərbaycan Respublikasının Medianın İnkişafı Agentliyi və Azərbaycanın Xarici İşlər Nazirliyi məsələyə operativ reaksiya veriblər.
Azərbaycan Respublikasının Medianın İnkişafı Agentliyi dünyanın tanınmış transmilli media şirkətinin heç bir fakta istinad etmədən açıq-aşkar feyk məlumat tirajlamasını məqsədli şəkildə həyata keçirilmiş kobud informasiya manipulyasiyası hesab edib. Azərbaycan XİN isə bu iddiaları tamamilə əsassız adlandırıb və onları qətiyyətlə rədd etdiyini bildirib.
Bəs CNN Azərbaycandan nə istəyir?
TodayPress TV məsələ ilə bağlı Azərbaycan Mətbuat Şurasının sədri Rəşad Məcidin mövqeyini öyrənib.
O, Medianın İnkişafı Agentliyinin bu məsələ ilə bağlı açıqlamasını vaxtında verilmiş operativ açıqlama kimi qiymətləndirdiklərini bildirib:
“Beynəlxalq bir media qurumunun bu cür yalan və saxta xəbər yaymasından təəssüf hissi keçiririk. Bunun arxasında hansısa maraqların dayandığını düşünmək, müəyyən ehtimallar irəli sürmək olar. Təəssüf edirəm ki, hətta böyük media qurumları da bəzən hansısa siyasi məqsədlərə və proseslərə alət olurlar”.
Qiymət Mahir
