Zidan: “Deşam Deşamdır, Zidan isə Zidandır”
Fransa millisinin yeni baş məşqçisi Zinəddin Zidan komandanın oyun üslubu və gələcək planları barədə ilk açıqlamasını verib.
TodayPress TV xəbər verir ki, bu barədə “RMC Sport” məlumat yayıb.
Fransa Futbol Federasiyasının (FFF) 2030-cu il dünya çempionatının sonuna qədər müqavilə imzalamasından sonra danışan Zidan uğurun qısa reseptinin olmadığını bildirib.
“İki cümlə ilə necə qalib gələcəyimizi izah edə bilmərəm. Məni güclü komanda gözləyir. Əvvəlcə futbolçuları yaxından tanımalı, onlara birlikdə həyata keçirəcəyimiz oyun layihəsini izah etməliyəm. Bundan sonra məşqçi kimi əsas vəzifəm bu komandanı yeni qələbələrə aparmaq olacaq”, – deyə Zidan vurğulayıb.
Mütəxəssis Didye Deşamın rəhbərliyi altında yığmanın uğurlu çıxışını da yüksək qiymətləndirib:
“Fransa millisinin keçdiyi yol möhtəşəm idi. Azarkeşlərin bu komandaya irad bildirəcək səbəbi yoxdur. Biz fərqli şəkildə oynayacağıq. Didye Deşam Deşamdır, Loran Blan Blandır, Zidan isə Zidandır. Mən bacardığım işi görəcəyəm və yığmanın qələbələrini davam etdirməsi üçün varisliyi qoruyacağam".
Namiq HUN
