Karlos Saynzın qazancı kəskin arta bilər – yeni müqavilə gündəmdə

“Uilyams” komandasının ispaniyalı pilotu Karlos Saynz müqaviləsini uzatmaq qərarına gəlsə, onun maaşı əhəmiyyətli dərəcədə artacaq.

TodayPress TV xəbər verir ki, bu barədə “RacingNews365” məlumat yayıb.

Bildirilir ki, pilotun yeni müqavilə üzrə dəqiq maaşı açıqlanmayıb.

Qeyd edək ki, daha əvvəl “Marca” nəşri Saynzla yeni müqavilənin bu həftə, Niderland Qran-prisinin başlanmasına qədər açıqlanmasının gözlənildiyini yazıb. 

İspaniyalı pilotun hazırkı illik maaşı təxminən 13 milyon dollar təşkil edir.

Mövsümün 22 mərhələsindən 11-i başa çatdıqdan sonra Saynz pilotların şəxsi sıralamasında 15-ci pillədə qərarlaşıb. Onun britaniyalı komanda yoldaşı Aleks Albon isə 16-cıdır.

Namiq HUN