Güclü günəş yanıqları xərçəng riskini artırır
Güclü günəş yanıqları dəri xərçənginin müəyyən növünün yaranma riskini əhəmiyyətli dərəcədə artıra bilər.
TodayPress TV xəbər verir ki, “JAMA Dermatology” jurnalında dərc olunan araşdırmada 321 mindən çox insanı əhatə edən 17 tədqiqatın nəticələri təhlil edilib.
Məlum olub ki, ağır günəş yanıqları keçirmiş insanlarda skuamöz hüceyrəli dəri xərçənginin yaranma riski orta tezlikdə günəş yanığı keçirənlərlə müqayisədə 51%, yüksək tezlikdə yanıq keçirənlərdə isə 69% daha çoxdur.
Alimlər xüsusilə uşaqlıq dövründə alınan günəş yanıqlarına diqqət çəkiblər. Uşaqlıqda tez-tez günəş yanığı keçirmək sonrakı illərdə dəri xərçəngi riskini təxminən üç dəfə artıra bilər.
Tədqiqatçılar bildirirlər ki, ultrabənövşəyi şüalar dəri hüceyrələrinin DNT-sinə zərər verir. Bu zədələnmələr zamanla toplanaraq xərçəngə səbəb ola biləcək mutasiyalara gətirib çıxara bilər.
Mütəxəssislər günəşin ən güclü olduğu saatlarda birbaşa günəş şüalarından uzaq durmağı, qoruyucu geyim və papaqdan istifadə etməyi, həmçinin günəşdən qoruyucu krem çəkməyi tövsiyə edirlər.
Türkan İsgəndərli
