Dürantın “Filadelfiya” fikrinin pərdəarxası açıqlandı
Draymond Qrin Dürantın “Filadelfiya” ilə bağlı müqayisəsinə aydınlıq gətirib.
TodayPress TV xəbər verir ki, “Qolden Steyt Uorriors” un liderlərindən biri Draymond Qrin, Kevin Dürantın hazırkı “Filadelfiya” komandasını 2017-ci ilin çempion “Qolden Steyt” i ilə müqayisə etməsinin səbəbini izah edib.
Qrinin sözlərinə görə, Dürant basketbola fərqli yanaşır və onun qiymətləndirməsində əsas meyar hücum potensialıdır.
“Dürantın nə demək istədiyini anlamaq üçün əvvəlcə onun basketbola necə baxdığını bilmək lazımdır. Onun fəlsəfəsinə görə, basketbol hər şeydən əvvəl xal toplamaqdır. Buna görə də o deyəndə ki, komandada hər oyuna orta hesabla 25 xal toplayan dörd oyunçu var, bunun onun üçün nə ifadə etdiyini başa düşmək lazımdır.
O, belə hücum gücünə malik komandanı avtomatik olaraq çempionluğa əsas namizədlərdən biri hesab edir. Bu, sadəcə onun düşüncə tərzidir. Bəzi azarkeşlər bu iki komandanın oyun üslubunun tamamilə fərqli olduğunu deyə bilərlər və mən bunu başa düşürəm. Amma məncə, Dürant bu komandaların eyni gücdə olduğunu demirdi”, – deyə Qrin bildirib.
Qeyd edək ki, Kevin Dürant daha əvvəl LeBron Ceymsin transfer olunduğu “Filadelfiya” in hücum potensialını 2017-ci ilin çempion “Qolden Steyt Uorriors” u ilə müqayisə etmişdi.
Namiq HUN
