2026 reqlamenti “Maklaren”in planlarını alt-üst etdi
“Formula-1”də çıxış edən “Maklaren” komandasının texniki direktoru Mark Templ 2026-cı il texniki reqlamenti ilə bağlı mövsüm öncəsi gözləntilərdən danışıb.
TodayPress TV xəbər verir ki, bu barədə “Auto Hebdo” məlumat yayıb.
Onun sözlərinə görə, komanda mövsüm başlamazdan əvvəl çoxsaylı dəyişikliklərin işi xeyli çətinləşdirəcəyini anlayırdı.
“Əsas diqqət mühərrik üzərində idi. Bilirdik ki, onun istismarı asan olmayacaq. Eyni zamanda, bu dəyişikliklərin performansı artırmaq və yarış strategiyasına ciddi təsir göstərmək üçün yeni imkanlar yaradacağını da anlayırdıq.
Lakin bəzi məqamlar gözlədiyimizdən daha mürəkkəb oldu. Yarış hazırlığı ilə bağlı proseslərin tətbiqi planlaşdırıldığından daha çox vaxt apardı. Açığı, bu istiqamətdə hələ görəcəyimiz çox iş var”, – deyə Mark Templ bildirib.
Namiq HUN
