Sensasion müqayisə: Oveçkini Ronalduya bənzətdilər!
Rusiya Xokkey Federasiyasının birinci vitse-prezidenti Roman Rotenberq NHL-də çıxış edən Aleksandr Oveçkin ilə portuqaliyalı futbol ulduzu Kriştianu Ronaldu arasında müqayisə aparıb.
TodayPress TV xəbər verir ki, bu barədə ТАСС agentliyi məlumat yayıb.
Rotenberqin fikrincə, Oveçkin oyun üslubuna görə daha çox Ronalduya bənzəyir:
“Oveçkini Kriştianu Ronalduya bənzətmək olar. Çünki o, daha çox qolçu tipli oyunçudur. Lionel Messi isə daha çox oyunun beyni, pleymeyker rolunu yerinə yetirir”.
Qeyd edək ki, Oveçkin ötən mövsüm NHL-in müntəzəm çempionatında 82 oyunda 64 xal (32 qol, 32 məhsuldar ötürmə) toplayıb.
Aleksandr Oveçkin NHL-in müntəzəm mövsümləri tarixinin ən yaxşı bombardiri hesab olunur. Pley-off mərhələləri də daxil olmaqla, o, liqada ümumilikdə 1006 şayba vurub və bu göstərici ilə tarixdə ikinci pillədə qərarlaşıb. Siyahıya 1016 şayba ilə Ueyn Qretski başçılıq edir.
Namiq HUN
