Goranboyda 5 mərtəbəli yaşayış binasının bir bloku tamamilə çökdü
Goranboy şəhəri, Cəfər Cabbarlı küçəsində yerləşən beşmərtəbəli yaşayış binasında dağıntı qeydə alınıb.
TodayPress TV-nin məlumatına görə, 60 mənzilli binanın 5-ci bloku tamam çöküb.
Əraziyə aidiyyəti orqanların əməkdaşları cəlb olunub. Bina sakinləri təxliyə olunduğundan hadisə zamanı xəsarət alan olmayıb.
Faktla bağlı araşdırma aparılır.
Xatırladaq ki, binada bir neçə gün əvvəl baş verən uçqun nəticəsində üçü qadın, biri kişi olmaqla, dörd nəfər xəsarət alıb. Xəsarət alanlar Goranboy Rayon Mərkəzi Xəstəxanasına yerləşdiriliblər.
