Bu il 28 min tələbə peşə təhsilini oxuyacaq
2026/2027-ci tədris ili üzrə peşə təhsilinə qəbul planı genişləndirilib, bu il 78 peşə təhsili müəssisəsində 149 ixtisas üzrə 33 min 120 plan yeri ayrılıb.
TodayPress TV xəbər verir ki, bunu Peşə Təhsili üzrə Dövlət Agentliyinin direktoru İlqar Bayramlı media nümayəndələri üçün keçirilən brifinqdə deyib.
Onun sözlərinə görə, son illərdə peşə təhsilinə maraq əhəmiyyətli dərəcədə artıb.
“2020-ci ildən etibarən peşə təhsilinə qəbul olunanların sayı 90 faiz artıb”, – deyə Agentlik sədri bildirib.
İlqar Bayramlı qeyd edib ki, 2026/2027-ci tədris ili üzrə ayrılan 33 min 120 plan yerinin 3 mini ilk peşə təhsili səviyyəsinə, 27 min 260-ı texniki peşə təhsilinə, 2 min 860-ı isə yüksək texniki peşə təhsilinə aiddir.
O əlavə edib ki, cari tədris ili üzrə ümumilikdə 28 min 140 tələbənin peşə təhsili müəssisələrinə qəbul olunması hədəflənir.
Qiymət Mahir
